Patacas e máis patacas, sinopse

Xoana, unha rapaza que vive e traballa en Coruña, ten unha vida moito sinxela e sen complicacións. A crise dos últimos anos fixo que agora estea traballando de axudante de cociñeira. ¡Éche o que hai! Ten soños, como tódalas rapazas, e como tódalas rapazas ten amigos e se divirte con eles cando chegan as festas da cidade. Fai o seu labor con profesionalidade: pelar patacas tódolos días. Un día, mentres está no seu recuncho ó fondo do bar, case a piques de chegar ó fondo do saco de vinte quilos, Xoana atopa un dedo. Non di nada, colle o dedo, envólveo nun pano e gárdao.

¿De quen é o dedo? ¿Como chegou ata o saco? ¿Ocorreu un accidente o seica algo peor? Xoana non sabe que facer. Despois de darlle voltas e reviravoltas ó asunto decide comezar a pescudar. Unha pescuda na que se verán envoltos o seus amigos e tamén unha parella de detectives privados, Pablo Armengol e Carme Barbeito. Unha aventura entre a cidade e o campo, entre Coruña, Bertamiráns e Castrigo. Unha aventura chea de personaxes moi galegos e moi actuais.
eBook